🌼ज्ञानेश्वरी अध्याय दुसरा सांख्य योग : निवडक ओव्या🌼
 |
| अध्याय २ : सांख्ययोग निवडक ओव्या |
dnyaneshwari adhyay 2
जे विवेकवान असती ।
ते सुखदुःख सम मानती ।
जन्ममरण दोन्ही भ्रांती ।
जाण अर्जुना ॥ १०२ ॥
जयाचे संस्कारांशी तादात्म्य तुटले ।
तयाचे सुखदुःख संपले ।
मग भवचक्र भंगले ।
यांचे अर्जुना ।।१२२।।
अनित्यता संस्कारांची जाणून ।
मनाशी तादात्म्य तोडून ।
तू हो आत्मवान ।
अर्जुना माझ्या ॥ १२३ ॥
एकत्रित असता धान्य भूस ।
जर ते पाखडल्यास ।
शिल्लक रहाते धान्य रास ।
जैसी अर्जुना ॥ १३० ॥
संतसंग तो घडता ।
मनइंद्रियासी तादात्म्य तुटता ।
स्वप्न सुषुप्तीत जागता ।
आत्मज्ञान ॥ १७१ ॥
एक अंतरी निश्चल ।
जे प्राप्त न्याहाळता केवल ।
चैतन्यच मग विश्व सकल ।
तयासाठी ॥ १७२ ॥
मोहासी त्या त्यागावे ।
जशास तसे व्हावे ।
रणी ते झुंजावे।
निष्कामपणे ।।१९०।।
चूक ते कामनेत अडकणे ।
आणि स्वर्गसुख इच्छिणे ।
मग आत्मतत्त्वास मुकणे ।
आपोआप ।।२५०।।
अर्जुना समत्व चित्ताचे ।
तेची सार जाण योगाचे ।
विसर्जन होता मनविचारांचे ।
योग घडे ॥ २७३ ॥
या रहस्यास जर जाणशील ।
मोहास या जर सांडशील ।
मग योगयुक्त होशील ।
समत्व साधता ।।२८०।।
मन इंद्रियांच्या संगती ।
भ्रष्ट होती जी मती ।
स्थिर होईल आता ती ।
योग घडता ।।२८३।।
ऐसे शरीर मनाशी तादात्म्य तुटणे ।
तु मी माझेपण संपणे ।
अहं ब्रम्हास्मि अनुभवा येणे ।
ज्ञान अर्जुना ॥ ३०९ ॥
शरीराने विषय त्यागणे ।
परि मनी विषयांचे चिंतने ।
मग भवचक्राचे चालणे ।
अव्याहत ॥ ३१८ ॥
ऐसे चंचलपण मनाचे ।
तेच कारण दु:खाचे ।
म्हणुन मन ईंद्रियांचे ।
होवो निरसन ॥ ३४७ ॥
ईंद्रियांच्या नादी लागता ।
ईंद्रियभोगी अडकता ।
मग दु:खाचीच वार्ता ।
तयाच्या मनी ॥३४८ ॥
तैसे जे ईंद्रिय न आवरती ।
ईंद्रिय भोगात अडकती ।
मग दु:खाचीच प्राप्ती ।
आपोआप ॥३५०॥
म्हणुन मन समजेतुन ।
जर मन ईंद्रिय झाले स्वाधीन ।
तोच अर्जुना भाग्यवान ।
या जगती ॥ ३५१ ॥
- भावार्थ ज्ञानेश्वरी (अ -2)
🌹🌹🌹🌹
प्रचलित मराठीत ओवीबद्ध ज्ञानेश्वरी निवडक ओव्या :
Download pdf book
✍️ Vijay Pandhare
📳 Phone no:
9822992578
📧 Email:
vbpandhare@gmail.com
.jpg)
.jpg)
पोस्ट्स
 प्रचलित मराठीत काव्यबद्ध भावार्थ ज्ञानेश्वरी अध्याय दुसरा : निवडक ओव्या dnyaneshwari adhyay 2 ){kind=link}
0 टिप्पण्या
Ask your doubt ..