370 ) चिंतन : द्रष्टा - दृश्य ( एक काव्य ) observer is observed

चिंतन 370 : द्रष्टा - दृश्य ( एक काव्य ) observer is observed

 

............................

Click on the following link for pdf👇👇

🌹 चिंतन 370 : द्रष्टा - दृश्य ( एक काव्य )🌹

 .............................

✍️ Vijay Pandhare

📳 Phone no:

9822992578

📧 Email:

vbpandhare@gmail.com

.........................

🌿चिंतन : द्रष्टा - दृश्य ( एक काव्य ) observer is observed🌿

जिकडे नजर पडली ।

तेथे द्रष्टा दृश्याची सावली ॥ 1॥

 त्या द्रष्टा दृश्या विना ।

येथे काहीच बा दिसेना ॥ 2 ॥

द्रष्टा दृश्याचीच वळवळ ।

 येथे आढळली सकळ ॥ 3॥

मनाच्या चारी त्या अवस्था ।

 तो द्रष्टा दृश्याचाच राबता ॥ 4॥

द्रष्टा दृश्याच्या अज्ञानात ।

प्रकटे अहमचे अस्तित्व ॥ 5॥

डोळ्याठायी जे दिसणे ।

ते द्रष्टा दृश्यच असणे ॥ 6॥

पाचही इंद्रियांची कृती ।

तेथे द्रष्टा दृश्याचीच वस्ती ॥ 7॥

कर्मेंद्रियांच्या सर्व कथा ।

तो द्रष्टा दृश्याचा राबता ॥ 8॥

विचार तर्क आणि भावना ।

तो द्रष्टा दृश्याचा धिंगाणा ॥ 9॥

सर्व ते बा षडविकार ।

 तो द्रष्टा दृश्याचाच वावर ॥ 10॥

प्राणी पक्षी व तरुवर ।

 तो द्रष्टा दृश्याचा प्रकार ॥ 11॥

झोप भूक आणि तहान ।

ते द्रष्टा दृश्याच्याच कारण ॥ 12॥

चालणे बोलणे हालणे ।

 ते द्रष्टा दृश्याचे असणे ॥ 13॥

खाणे पिणे श्वास घेणे ।

 ते द्रष्टा दृश्याचे खेळणे ॥ 14 ॥

उठता बसता लोळता ।

अनुभवा द्रष्टा दृश्य कथा ॥ 15॥

द्रष्टा दृश्यात स्थिर होणे ।

तेच ध्यानाचे बा असणे ॥ 16 ॥

होता द्रष्टाच दृश्य अहसास ।

 ब्रह्माचा बोध ब्रह्मास ॥ 17॥

द्रष्टा दृश्याचे मुळ धाम ।

 तयाचेच नाव ब्रह्म ॥ 18॥

पण सुषुप्ती ओलांडल्यावीन ।

नच प्रकटते ते ब्रह्मज्ञान ॥ 19 ॥

केवळ ग्रंथ वाचन श्रवण ।

ते फक्त कोंडाच उपनणं ॥ 20 ॥

द्रष्टा दृश्य रूपी ब्रह्माच म्युटेशन । ( उत्परिवर्तन / सघनीकरण ) 

तेच विश्वाभासाचे प्रकटन ॥ 21॥

 द्रष्टाच दृश्य उमजल्यावीण ।

अंतरी न प्रकटे ब्रह्मज्ञान ॥ 22 ॥

🌿🌿🌿🌿🌹    🌹🌿🌿🌿🌿

- विजय पांढरे

+91 9822992578

07-11-2022

vbpandhare@gmail.com